Gürcüstan prezidenti Salome Zurabişvili son seçkiləri qeyri-legitim adlandırıb

Gürcüstan prezidenti Salome Zurabişvili son seçkiləri qeyri-legitim adlandırıb və etirazlara çağırıb.

Zurabişvilinin sözlərinə görə, seçkilər “tamamilə saxtalaşdırılıb” və o, müstəqil qurum kimi onları tanıya bilməz. Prezident müxalifət tərəfdarlarını sabah saat 19:00-da ölkə parlamentinin qarşısına çıxmağa çağırıb. O, həmçinin bildirib ki, bu seçkilərin tanınması “Rusiyanın gəlişi və Gürcüstanın tabeliyinə” bərabər olacaq.

“Mən bu ölkəyə bunun üçün gəlməmişəm, bizim əcdadlarımız ona görə yaşamayıb və biz bunu qəbul etməyəcəyik”, - deyə prezident yekunlaşdırıb.

Eltun Məmmədov