Ukraynadakı müharibə III Dünya Müharibəsinə çevrilə bilər

Ukraynadakı müharibə III Dünya Müharibəsinə çevrilə bilər. Bu barədə The Telegraph məqalə yayımlayıb.

“The Telegraph” yazır ki, Rusiyanın Ukraynaya genişmiqyaslı işğalı, Şimali Koreyanın Rusiya Federasiyasına hərbi yardım üçün göndərilməsinə cavab olaraq Ukraynanın dünya müttəfiqlərinin reaksiyasından asılı olaraq, III Dünya Müharibəsinə çevrilə bilər.

KİV xatırladıb ki, KXDR əvvəlcə işğalçılara kömək üçün 11 minə yaxın əsgər göndərə bilər. Məqalə müəllifinin fikrincə, bu, müharibənin təkcə Rusiya və Ukrayna arasında olmadığını “son və ən qorxulu xatırlatmadır”.

Buna görə də müharibənin hər iki tərəfində olan digər ölkələr də tezliklə Şimali Koreyadan nümunə götürə bilər, xüsusən də əvvəllər belə bir ehtimaldan danışan Böyük Britaniya və Fransa.

"İndi bu qlobal müharibədir, potensial olaraq dünya müharibəsidir. Aydındır ki, Rusiya liderləri və onların İrandakı müttəfiqləri, Şimali Koreya və daha az dərəcədə, Ukraynanın NATO müttəfiqləri bunu başa düşürlər" deyə materialda deyilir.

Bundan əlavə, qeyd olunur ki, KXDR-in Rusiya ilə müttəfiqlikdə artan rolu səbəbindən Cənubi Koreya da müharibəyə “cəlb oluna bilər”. Əvvəllər Cənubi Koreya Ukraynaya humanitar yardım və artilleriya mərmiləri göndərirdi, lakin bu, tezliklə dəyişə bilər. Milli Təhlükəsizlik Şurasının fövqəladə iclasında Koreya Respublikasının yüksək vəzifəli şəxsləri KXDR-in hərəkətlərinə cavab olaraq Ukraynadakı müharibədə öz iştiraklarını gücləndirəcəklərinə söz veriblər.

Məlumdur ki, Cənubi Koreya silah istehsalı və ixracı üzrə liderlərdən biri olmaqda davam edir - bu həm tanklara, həm də artilleriyaya aiddir. Bununla belə, materialda deyilir ki, Ukrayna “strategiyasını Cənubi Koreyanın NATO ölkələrindən daha çox qlobal müharibənin nəticələrini dəyərləndirməsi əsasında qurmamalıdır”.

Eltun Məmmədov