İran XİN: “Biz müharibə istəmirik, ancaq istənilən ssenariyə hazırıq”

İraqa səfər edən İranın xarici işlər naziri Abbas Əraqçı bildirib ki, Tehran müharibə və gərginlik istəmir, ancaq istənilən ssenariyə tam hazırdır.

Bağdadda jurnalistlərə müsahibə verən Abbas Əraqçı vurğulayıb ki, “İsrail bölgədə gərginliyi artırmaq niyyətindədir”. Onun sözlərinə görə, İran “gərginlik və qarşıdurmanın əleyhinədir”.

“Sionist rejimdən” başqa heç kəs müharibə istəmir. Biz lazımi danışıqlar aparacağıq və hazırlıqlar görəcəyik, ancaq təbiidir ki, hər kəsin məqsədi bölgədə baş verəcək fəlakətin qarşısını almaqdır”, - deyə, İran XİN başçısı qeyd edib.

Eltun Məmmədov