Gürcüstanın baş naziri Kobaxidze “Gürcü arzusu”nun seçki proqramını açıqlayıb

Gürcüstanın baş naziri Kobaxidze “Gürcü arzusu”nun seçki proqramını açıqlayıb: ABŞ, Aİ və Rusiya ilə münasibətlərin normallaşdırılması

"Praqmatik siyasət və Rusiya ilə münaqişənin sülh yolu ilə həlli də ən mühüm prioritetlərdən biridir", - Kobaxidze deyib.

Hakimiyyətin növbəti dörd il üçün xarici siyasət planlarından danışan Kobaxidze ABŞ və Avropa İttifaqı ilə münasibətlərin bərpasını “ən mühüm milli vəzifə” adlandırıb. Baş nazir həmçinin NATO ilə əlaqələrin dərinləşdirilməsini və Çin ilə strateji tərəfdaşlığı prioritetlər kimi göstərib. O, həmçinin qonşu Ermənistan, Azərbaycan və Türkiyə ilə əlaqələrin daha da dərinləşdirilməsinin vacibliyindən danışıb.

Oktyabrın 26-da Gürcüstanda parlament seçkiləri keçiriləcək.

Eltun Məmmədov