İran XİN: "Heç kim İranın İsraili cəzalandırmaq üçün legitim hüququna şübhə etməməlidir"

İran XİN: "Heç kim İranın İsraili cəzalandırmaq üçün legitim hüququna şübhə etməməlidir"

İran Xarici İşlər Nazirliyinin sözçüsü Naser Kənani bu gün həftəlik brifinq zamanı deyib ki, İran İsraili cəzalandırmaq hüququnu özündə saxlayır.

Tehranda HƏMAS-ın Siyasi Bürosunun rəhbəri İsmayıl Həniyənin qətlə yetirilməsini pisləyərək XİN rəsmisi bildirib: “İran beynəlxalq hüquq çərçivəsində İsraili cəzalandırmaq haqqına malikdir. Biz öz torpağımızın milli təhlükəsizliyini, suverenliyini və ərazi bütövlüyünü müdafiə etmək hüququnu həlledicici və danılmaz hesab edirik. Heç kim İranın təcavüzkarı cəzalandırmaq və İsrailə qarşı çəkindirici güc yaratmaq kimi qanuni hüququna şübhə etməməlidir”.

Qeyd edək ki, İran XİN sözçüsü İsrailin bu addımını pisləmək üçün İslam Əməkdaşlıq Təşkilatının təcili iclasının avqustun 7-də Ciddədə keçiriləcəyini açıqlayıb. (İSNA)

Eltun Məmmədov