İrakli Kobaxidze: "Ukraynada müharibə 2025-ci ildə bitəcək"

Ukraynada müharibə 2025-ci ildə bitəcək. Bu sözləri Gürcüstanın baş naziri İrakli Kobaxidze bildirib.

“İmedi” telekanalında o, ABŞ-da hakimiyyətə kimin – Kamala Harris və ya Donald Trampın gəlməsindən asılı olmayaraq, bunun bitəcəyini bildirib.

Kobaxidzenin sözlərinə görə, demokratlar qalib gəlsə, döyüşlər “bir il ərzində”, respublikaçılar qalib gəlsə, daha tez başa çatacaq.

Gürcüstanın baş naziri hesab edir ki, Ukraynada müharibə başa çatdıqdan sonra Gürcüstan Amerika və Avropa İttifaqı ilə münasibətləri “yenidən qura” biləcək.

Eltun Məmmədov