Birləşmiş Ştatlar qoşunlarının bir hissəsini İraqdan çıxarmağa razılıq verib

Birləşmiş Ştatlar qoşunlarının bir hissəsini İraqdan çıxarmağa razılıq verib. Bu barədə The National İraq hökumətə yaxın mənbələrə istinadən xəbər verib.

İyulun 22-23-də Vaşinqtonda Pentaqonun rəhbəri Lloyd Ostin və İraq Müdafiə Nazirliyinin rəhbəri Sabet əl-Abbasinin iştirak etdiyi danışıqlar keçirilib. Onlar koalisiyanın fəaliyyətinin başa çatdırılması və İraqda hərbi mövcudluğunu saxlayan dövlətlərlə yeni ikitərəfli tərəfdaşlıqların yaradılmasını müzakirə ediblər.

İraq parlamentinin üzvü Cavad əl-Bulaninin sözlərinə görə, tərəflər bu planın həyata keçirilməsinin son mərhələsindədir. Mənbələrin bildirdiyinə görə, ABŞ qoşunlarını Ənbar vilayətindəki Ayn əl-Əsəd bazasından çıxarmağa hazırdır, lakin Ərbildəki Əl-Hərir bazasında mövcudluğu ilə bağlı razılıq hələ əldə edilməyib. Hazırda İraqda 2,5 min Amerika əsgəri var.