ABŞ və Cənubi Koreya F-18 və F-35 təyyarələri ilə təlimlərə başlayıb

Rusiya Federasiyası ilə KXDR arasında hərbi əməkdaşlığın artması fonunda ABŞ və Cənubi Koreya F-18 və F-35 təyyarələri ilə təlimlərə başlayıb. Bu barədə Yonhap agentliyi məlumat verib.

Manevrlərin məqsədi “KXDR-in yaratdığı təhlükəni nəzərə alaraq” qarşılıqlı fəaliyyət və birgə döyüş imkanlarını gücləndirməkdir.

Təlim avqustun 8-dək davam edəcək və Seulun cənubundakı Suvon şəhərindəki aviabazadan istifadə edəcək. Amerikanın F-18 qırıcıları əvvəllər orada yerləşdirilib.

Eltun Məmmədov