Avropa İttifaqı Azərbaycana təşəkkür etdi

Avropa İttifaqı İsrail və İran arasında baş verən münaqişə zonasında qalan Avropa vətəndaşlarının təxliyəsinə göstərdiyi dəstəyə görə Azərbaycana təşəkkür edib.

Bu barədə NATO-nun Haaqa sammiti çərçivəsində Azərbaycan jurnalistlərinin suallarını cavablandırarkən Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas məlumat verib.

“Mən bölgədə gərginliyin başlanğıcından bəri Azərbaycanın xarici işlər naziri ilə əlaqədə olmuşam. Diplomatik heyətimizin və vətəndaşlarımızın Azərbaycan üzərindən təxliyəsini təşkil etdiyinə görə ona təşəkkür etdim,” – deyə Kallas bildirib.

O, həmçinin Azərbaycanlı həmkarı ilə İranda baş verən müharibənin mümkün nəticələrini, o cümlədən ölkəyə miqrant axını ehtimalını da müzakirə etdiklərini vurğulayıb.

Ulusum.az