İranın Azərbaycandakı yeni səfirinin adı açıqlanıb

İranın Azərbaycandakı yeni səfiri Müctəba Dəmirçili olacaq. Bu barədə İranın rəsmi xəbər agentliyi ISNA məlumat yayıb. Məlumata görə, Müctəba Dəmirçili hazırda İran Xarici İşlər Nazirliyinin Avrasiya məsələləri üzrə baş direktoru və nazir köməkçisi vəzifəsində çalışır. O, daha əvvəl İranın Qazaxıstan (2014–2018) və Gürcüstanda (2006–2010) səfiri, həmçinin İranın Azərbaycandakı səfirliyində ikinci katib kimi fəaliyyət göstərib.

Qeyd edək ki, 2023-cü ilin aprelində İranın Xarici İşlər Nazirliyinin mətbuat xidməti, tviterdə (indiki “X”) Dəmirçilinin adına onun Azərbaycan səfiri kimi təqdim olunduğu hesab açıldığını bildirərək bunun saxta olduğunu vurğulamışdı.

Ulusum.az