Misirin Azərbaycandakı səfiri Hişam Məhəmməd Nağının diplomatik fəaliyyəti başa çatdı

23 may 2025-ci il tarixində xarici işlər naziri Ceyhun Bayramov Misirin Azərbaycandakı səfiri Hişam Məhəmməd Nağını diplomatik fəaliyyətinin başa çatması münasibətilə qəbul edib. Görüşdə nazir səfirin iki ölkə arasında əlaqələrin inkişafına verdiyi töhfəni yüksək qiymətləndirib və ona təşəkkür edib.

Ceyhun Bayramov Azərbaycan-Misir münasibətlərinin tarixi dostluq və qardaşlıq prinsiplərinə əsaslandığını bildirib. Görüş zamanı siyasi, iqtisadi, mədəni və çoxtərəfli platformalarda əməkdaşlığın mövcud vəziyyəti və gələcək imkanları müzakirə olunub.

İki ölkənin liderlərinin son illərdəki qarşılıqlı səfərlərinin əlaqələrə xüsusi təkan verdiyi vurğulanıb. Səfir Nağı isə Azərbaycanda fəaliyyət göstərdiyi müddətdə göstərilən diqqət və dəstəyə görə minnətdarlığını ifadə edib.

Ulusum.az