Trampın izləri Avropada – Corc Simion Rumıniyada seçkiyə damğa vurdu

Kalin Georgescu tərəfdarları Mərkəzi Seçki Komissiyasının öz namizədini yeni seçkilərdə iştirakdan məhrum etmə qərarına etiraz etmək üçün çıxıblar.

Mayın 4-də Rumıniyada keçirilən prezident seçkilərinin birinci turunda millətçi və Donald Trampın tərəfdarı Corc Simion 40,92% səs toplayaraq lider mövqeyini əldə edib.

O, mayın 18-də keçiriləcək ikinci turda Buxarestin meri, mərkəzçi Nikusor Dana qarşı mübarizə aparacaq.

Simion, əvvəlki seçkilərin nəticələrinin ləğvinə səbəb olan və Rusiyayönlü olduğu iddia edilən Kalin Georgeskunu hakimiyyətə gətirə biləcəyini bildiri

Seçkilərin birinci turunda üçüncü yeri 20,11% səslə hakim koalisiyanın namizədi Krin Antonesku tutub. Ümumilikdə 11 namizədin iştirak etdiyi bu seçkilər, ötən ilin noyabrında Konstitusiya Məhkəməsinin rusiyayönlü namizəd Kalin Georgescu-nun qazandığı yarışın nəticələrini ləğv etməsindən sonra təkrar keçirilib.

Simionun qalib gəlməsi, Rumıniyanın Avropa İttifaqı və NATO ilə münasibətlərində dəyişikliklərə səbəb ola bilər. O, Rusiyanı təhdid kimi görmədiyini bəyan etsə də, Vladimir Putini hərbi cinayətkar adlandırıb və Ukraynaya hərbi yardımın əleyhinə olduğunu bildirib.

Simionun seçki kampaniyası, ölkədəki yoxsulluq, korrupsiya və siyasi elitanın etimadsızlığı fonunda geniş dəstək qazanıb. Onun sosial mediada, xüsusilə TikTok-da aktivliyi, gənc seçicilər arasında populyarlığını artırıb.

Mayın 18-də keçiriləcək ikinci turda Simionun qalib gəlməsi, Rumıniyanın daxili və xarici siyasətində əhəmiyyətli dəyişikliklərə səbəb ola bilər. Bu, həmçinin ölkənin Avropa İttifaqı və NATO ilə münasibətlərinə təsir göstərə bilər.

✍️"Ulusum".az