Türkiyə XİN Maltada gəmiyə hücumu qınayıb

Türkiyə, Malta sahilləri yaxınlığında beynəlxalq sularda Azadlıq Donanması Koalisiyasına məxsus “Conscience” adlı gəmiyə edilən hücumu sərt şəkildə qınayıb.

“Habertürk”ün məlumatına görə, bu barədə Türkiyə Xarici İşlər Nazirliyinin sözçüsü Öncü Keçeli açıqlama verib. O bildirib ki, hadisə zamanı gəmidə Türkiyə vətəndaşları da olub. Gəmi heyəti və sərnişinlərin səhhətinin normal olduğu müəyyən edilib, vətəndaşların təhlükəsiz şəkildə köçürülməsi üçün Malta rəsmiləri ilə əməkdaşlıq aparılır. Keçeli hücumun beynəlxalq sularda hərəkət azadlığına və dəniz təhlükəsizliyinə ciddi təhdid olduğunu vurğulayıb.

O, həmçinin gəminin İsrailə məxsus pilotsuz uçuş aparatları tərəfindən vurulduğuna dair iddiaların araşdırıldığını və məsul şəxslərin cəzalandırılması üçün hər cür tədbirin görüləcəyini qeyd edib.


✍️"Ulusum".az