Meyitlər mübadiləsi: Rusiya Ukraynaya 909 cəsəd qaytardı, özü cəmi 41 aldı

Rusiya və Ukrayna hərbçilərin cəsədlərinin növbəti mübadiləsini həyata keçiriblər. Rusiya tərəfi Ukraynaya 909 hərbçinin cəsədini qaytarıb, qarşılığında isə 41 cəsəd alıb.

Bu barədə Rusiya Dövlət Dumasının deputatı, hərbi əməliyyatlarla bağlı parlament üzrə əlaqələndirmə qrupunun nümayəndəsi Şamsail Saraliyev RBC-yə məlumat verib.

Sonuncu belə mübadilə martın 28-də baş tutmuşdu. Həmin vaxt Ukraynaya 909 cəsəd, Rusiyaya isə 43 cəsəd təhvil verilmişdi. Fevral ayında isə Rusiya tərəfi 757 ukraynalı hərbçinin cəsədini qaytarmış, əvəzində 45 cəsəd almışdı.

19 martda Rusiya və Ukrayna bu il üçüncü dəfə hərbi əsirlərin dəyişdirilməsini həyata keçirmişdi – 175-ə 175 nisbətində. Əsirlərin ötürülməsi BƏƏ-nin vasitəçiliyi ilə baş tutmuşdu.