Azərbaycan Rabat Kitab Sərgisində!

Bu gün ölkəmiz Mərakeşin paytaxtı Rabatda keçirilən beynəlxalq kitab sərgisində iştirak edir. Sərgi ziyarətçiləri Azərbaycan mədəniyyətinə, zəngin mətbəximizə və incəsənətimizə böyük maraq göstərirlər.



"Ulusum". az -ın xüsusi müxbiri xəbər verir ki, stendimizdə təqdim olunan kitablar, suvenirlər və informasiya materialları Azərbaycanın zəngin mədəni irsini və turizm potensialını nümayiş etdirir. Mərakeşli dostlarımızla qurulan bu mədəni körpü bizi daha da yaxınlaşdırır



Bu gün sərginin rəsmi açılışı keçirildi. Açılış mərasimində müxtəlif ölkələrdən nümayəndələr iştirak etdilər və Azərbaycanın stendinə xüsusi maraq göstərildi. Qeyd edək ki, sərgini Mərakeş Kralının qardaşı, Şahzadə Mölay Rəşid rəsmi şəkildə açdı.



Eyni zamanda, Şuşanın 2024-cü il üçün İslam Dünyasının Mədəniyyət Paytaxtı seçilməsi xüsusi vurğulanır və bu statusun daşıdığı mənəvi dəyər sərgi iştirakçılarına çatdırılır.

S.Qəşəng