Ceyhun Bayramov suriyalı həmkarı ilə telefonla danışıb

Azərbaycanın xarici işlər naziri Ceyhun Bayramov Suriyanın keçid hökumətinin xarici işlər və xaricdə yaşayan suriyalılar naziri Əssad Həsən Əş-Şibani ilə telefon danışığı aparıb.

“Ulusum”.az xəbər verir ki, bu barədə “SANA” agentliyi məlumat yayıb.

Bildirilib ki, danışıq zamanı enerji sektorunda və yenidənqurmada sabitliyə nail olmaq, eyni zamanda siyasi və iqtisadi sahələrdə əməkdaşlığı genişləndirmək səylərində Suriya hökumətinə dəstəyin vacibliyi vurğulanıb.

Tərəflər, həmçinin rəsmi qurumlar arasında kommunikasiya kanallarının aktivləşdirilməsinin və müxtəlif səviyyələrdə səfərlərin təşviq edilməsinin zəruriliyini də qeyd ediblər.