Ərdoğan: hər kəsə təsir edəcək güclü qasırğa gələcək

Ticarət müharibələri, həm böyük, həm də kiçik ölkələrə təsir edən genişmiqyaslı qlobal nəticələrə səbəb olur.

"TRT Haber" xəbər verir ki, Türkiyə prezidenti Rəcəb Tayyib Ərdoğan, parlamentdə hakim Ədalət və İnkişaf Partiyasının fraksiyasının iclasında çıxış edərkən bu fikri səsləndirib.

"Tariflərdən yaranan ticarət müharibələrinin qlobal təsirləri olacaq. Böyük və kiçik hər kəsə təsir edəcək güclü bir qasırğanın yaxınlaşdığını söyləmək mübaliğə olmaz", - deyə Ərdoğan vurğulayıb.