Biləsuvar rayon Cəbrayıl qəsəbəsində qətl hadisəsi baş verib - FOTOLAR

Biləsuvar rayon Cəbrayıl qəsəbəsində əslən Cəbrayıl rayonun Böyük Mərcanlı kəndində olan həmyerlilərin mübahisəsi qətl hadisəsi ilə başa çatıb. Belə ki, Cəbrayıl rayon sakini ,1980-ci il təvəllüdlü Şahverdiyev Şahin Vəli oğlun döyülərək qətlə yetirilib. Qətli isə elə həmin rayonun sakini 1995-ci il təvəllüdlü Məmmədquliyev Seymur Şahin oğlu törədib. Mərhumun başı döyüldükdən sonra kəsilib. Məmmədquliyevlər ailəsinin verdiyi məlumata görə isə mərhum Şahverdiyev Şahin 4 ildən çox imiş ki, bu ailədən qız istəyirmiş. Amma ailə qızın razı olmaması səbəbindən Şahverdiyevlərə "hə" deməyiblər. Sonrakı prossesdə isə tərəflər arasında mübahisə qarşılıqlı olaraq genişlənərək artıb.
Bildirilir ki, mərhum Şahverdiyev Şahin Cəbrayıl Rayon Polis Şöbəsinin (RPŞ) keçmiş rəisi, polis polkovniki Araz Şahverdiyev qardaşı olduğu deyilir.
Qeyd edək ki, polis əməkdaşlarının keçirdikləri tədbirlər nəticəsində cinayət əməlini törətməkdə şübhəli bilinən 1995-ci il təvəllüdlü Məmmədquliyev Seymur Şahin oğlu saxlanılıb.
Hazırda faktla bağlı araşdırma aparılır.



Eltun Məmmədov