Almaniyada atışma olub, ölənlər var

Almaniyanın cənub-qərbindəki Albstadt şəhərində (Baden-Vürtemberq federal əyaləti) atışma nəticəsində bir neçə nəfər ölüb.

Bu barədə “Bild” qəzeti məlumat yayıb.

Məlumata görə, atışmada daha bir neçə nəfər yaralanıb.

Nəşr qeyd edib ki, atəş açan ovçu olub. Hazırda onlarla polis maşını və iki xilasedici helikopter hadisə yerindədir.

"Sudwest Presse" qəzetinin yazdığına görə, cinayətdən əvvəl ailə münaqişəsi baş verib, nəticədə kişi üç ailə üzvünü öldürüb.