"Saxta polkovnik rütbəsi" alan sabiq rəis 10 il həbs olundu

Naxçıvan Muxtar Respublikasının Səfərbərlik və Hərbi Xidmətə Çağırış üzrə Dövlət Xidmətinin sabiq rəisi, polkovnik Mirzə Cəlilovun cinayət işi üzrə məhkəmə araşdırması başa çatıb.

Naxçıvan Hərbi Məhkəməsinin hökmü ilə o, vəzifə səlahiyyətlərindən sui-istifadə və külli miqdarda rüşvət almaqda təqsirli bilinərək 10 il müddətinə azadlıqdan məhrum edilib.

İstintaq müəyyən edib ki, Cəlilov 1159 nəfərdən ümumilikdə 2 milyon 464 min manat rüşvət alıb və 10 nəfəri qanunsuz olaraq işə götürüb.

Xatırladaq ki, Mirzə Cəlilov Naxçıvan MR-in Səfərbərlik və Hərbi Xidmətə Çağırış üzrə Dövlət Xidmətinin rəisi vəzifəsindən əvvəl Naxçıvan Şəhər Polis İdarəsinin rəisi işləyib.

R.İkramlı
Ulusum.az