Terrorçu Cəntemirovun Çeçenistana köçürülmə tələbi rədd edildi

2002-ci ildə Qroznıda hərbi vertolyotu atəşə tutmaqda ömürlük həbs olunmuş terrorçu Doku Cəntemirov cəzasını Çeçenistan ərazisində çəkmək istəyir. Bu barədə RİA Novosti məhkəmə materiallarına istinadən məlumat verir.

Cəntemirov, Yamal-Nenets Muxtar Dairəsində yerləşən “Qütb Bayquşu” xüsusi rejimli koloniyada saxlanılır. O, yaxın qohumlarının yaşadığı Çeçenistanda yerləşən cəzaçəkmə müəssisəsinə köçürülməsi üçün Federal Penitensiar Xidmətdən (FSIN) müraciət edib. Lakin onun müraciəti nəzərdən keçirilməyib.

Bundan sonra məhkum Moskva məhkəmələrindən birinə şikayət verib və bildirib ki, müraciətinin rədd olunması onun psixoloji vəziyyətinə mənfi təsir edib, nəticədə sağlamlığı, xüsusilə də mədə xorası pisləşib. Moskva məhkəməsi şikayəti icra səlahiyyəti olmadığı üçün geri qaytarıb, çünki belə məsələlər koloniya yerləşən yerin məhkəməsi tərəfindən həll olunmalıdır.

Agentliyin məlumatına görə, Cəntemirov əvvəlcə “Rusiya Poçtu”na korrespondensiyanın gecikdirilməsi ilə bağlı, koloniyanın idarəsinə telefon danışıqlarının, göndərişlərin və bağlamaların məhdudlaşdırılması ilə bağlı, həkimlərə isə lazımi tibbi yardım göstərilməməsi səbəbindən məhkəmələrə müraciətlər edib. Bütün bu şikayətlər məhkəmələr tərəfindən rədd edilib.

Ulusum.az