Bayden administrasiyası Rusiya neftinin ixracına qarşı daha sərt sanksiyaların tətbiqini müzakirə edir

Bayden administrasiyası Rusiya neftinin ixracına qarşı daha sərt sanksiyaların tətbiqini müzakirə edir. Bu barədə Bloomberg mənbələrə istinadən yazıb.

Onların fikrincə, Bayden, xüsusən də ABŞ-da keçirilən son prezident seçkiləri fonunda bunun yanacağın qiymətini artıra biləcəyi qorxusu ilə uzun müddət tərəddüd edib. İndi Bloomberg iddia edir ki, Bayden administrasiyası neft qiymətlərinin düşməsi və Trampın Kiyevi Ukraynadakı müharibəni dayandırmaq üçün Rusiya ilə tez bir razılaşma əldə etməyə “məcbur etməyə” cəhd edə biləcəyi qorxusu fonunda “daha ​​aqressiv addımlar atmağa” hazırdır.

Mənbələr həmçinin deyirlər ki, Bayden administrasiyası sözdə kölgə donanmasına qarşı yeni sanksiyalar üzərində düşünür və bu cür məhdudiyyətlər “gələcək həftələrdə açıqlana bilər”.


Eltun Məmmədov