“Neuberger Berman” şirkəti ilə əməkdaşlıq Azərbaycanda investisiya mühitinin əlverişli olmasının əyani göstəricisidir

Görüşdə dünyanın ən böyük maliyyə qurumlarından olan “Neuberger Berman” şirkəti ilə Azərbaycan arasında əməkdaşlığın cari vəziyyəti və inkişaf perspektivləri ətrafında fikir mübadiləsi aparılıb.

Ulusum.az xəbər verir ki, həmçinin Azərbaycan Respublikası Dövlət Neft Fondunun 2016-cı ildən etibarən “Neuberger Berman” ilə uğurla davam edən tərəfdaşlığının ölkənin maliyyə sektorunun inkişafına və beynəlxalq investisiya imkanlarının genişlənməsinə verdiyi töhfələr xüsusi vurğulanıb.

Prezident İlham Əliyev ölkəmizin beynəlxalq maliyyə qurumları və nüfuzlu investisiya şirkətləri ilə əməkdaşlığın genişləndirilməsinə xüsusi önəm verdiyini vurğulayaraq, “Neuberger Berman” ilə tərəfdaşlığın bundan sonra da uğurla davam edəcəyinə inamını ifadə edib.

Azərbaycandakı sabitlik “Neuberger Berman” kimi yarım trilyon dollar dəyərində aktivləri idarə edən maliyyə şirkətinin Azərbaycanla əməkdaşlığa sövq edən iqtisadi sabitlik, regionda Azərbaycanın aktiv mövqeyi, həyata keçirilən islahatlar böyük rol oynayıb.

Bu əməkdaşlıq Azərbaycanda qeyri-neft sektorundan əldə edilən gəlirlərin artmasında, iqtisadiyyatın şaxələndirilməsində əhəmiyyətli rol oynayacaq.
R.D