Aİ Rusiya qazına qarşı yeni nəzarət mexanizmi tətbiq edəcək

Avropa İttifaqına sədrlik edən Daniya təbii qaz idxalçıları üçün yeni tələb irəli sürüb – qazın mənşə ölkəsinin məcburi təsdiqi. Təklifin məqsədi Rusiya qazının Aİ ölkələrinə daxil olmasının qarşısını almaqdır.

Bloombergin yayımladığı sənədə görə, Aİ-yə Rusiya və Belarus sərhədlərindən, həmçinin “Türk axını” kəməri vasitəsilə daxil olan təbii qaz avtomatik olaraq Rusiya mənşəli hesab ediləcək – əgər əksini sübut edən etibarlı sənəd təqdim olunmasa.

Qeyd olunur ki, təşəbbüsün məqsədi 2027-ci ilin sonuna qədər Rusiya boru kəməri qazı və LNG (mayeləşdirilmiş təbii qazı) idxalına tam qadağa tətbiq edildikdən sonra da Rusiya qazının Avropa bazarına çıxmasının qarşısını almaqdır.

Ulusum.az