Azərbaycan–Aİ ticarət dövriyyəsi 12,4 milyard dollara çatdı

Bu ilin yanvar–iyul aylarında Azərbaycanın Avropa İttifaqı (Aİ) ölkələri ilə ticarət dövriyyəsi 12 mlrd 404,2 mln ABŞ dolları təşkil edib ki, bu da ötən ilin eyni dövrü ilə müqayisədə 14% çoxdur. Bu barədə Dövlət Gömrük Komitəsinin məlumatında qeyd olunur.

Aİ ölkələrinə ixrac 14,7% artaraq 10 mlrd 715,4 mln dollar, Azərbaycana idxal isə 9,7% artaraq 1 mlrd 688,8 mln dollar olub.

Yeddi ay ərzində Azərbaycanın ümumi ixracında Aİ ölkələrinin payı 70,4%, idxalında isə 12,4% təşkil edib.

Ulusum.az