Trampın gömrük vergiləri lüks brendlərə ağır zərbə vurdu

ABŞ Prezidenti Donald Trampın aprel ayında elan etdiyi gömrük vergiləri, qlobal lüks istehlak sektorunda böyük dəyər itkisinə yol açıb.

Ticarət platformaları AJ Bell və Hargreaves Lansdown-un analizlərinə əsasən, LVMH, Hermes, Prada və Estee Lauder kimi 10 aparıcı lüks marka Trampın qərarından sonra ümumilikdə 73,87 milyard funt sterlinq (təxminən 96 milyard dollar) itirib.

Prada öz dəyərinin dörddə birindən çoxunu itirərkən, LVMH səhm qiymətləri 17 faiz azalıb.

Çin və ABŞ-da istehlakçıların xərcləmə fəaliyyətində yaranan durğunluq, ticarət müharibəsinin yaratdığı qeyri-müəyyənliklə birləşərək, sektorda satış gözləntilərini daha da zəiflədib.

Hargreaves Lansdown analisti Susannah Streeter-in fikrincə, “Son razılaşma ilə yüksək tariflərə dair narahatlıqlar azalsa da, AB-ə ixracata tətbiq olunacaq 15 faiz gömrük vergisi hələ də sektora ciddi zərbə vuracaq.”

Ulusum.az