SOCAR Ukraynaya qaz ixracına başladı

“Naftoqaz” ilk qaz alışı sazişini “SOCAR Energy Ukraine” şirkəti ilə imzalayıb. Bu barədə qurumun İdarə Heyətinin sədri Sergey Koretski məlumat verib. Hələlik söhbət az həcmli test tədarükündən gedir, lakin Koretskinin sözlərinə görə, bu, Azərbaycanın iştirakı ilə enerji mənbələrinin şaxələndirilməsi və uzunmüddətli əməkdaşlıq baxımından strateji əhəmiyyət daşıyır.

Qaz Bolqarıstan–Rumıniya–Ukrayna marşrutu üzrə Transbalkan dəhlizi vasitəsilə nəql olunacaq. İyunun əvvəlində SOCAR Almaniyanın dövlət şirkəti SEFE ilə illik 1,5 milyard kubmetr qaz tədarükünə dair uzunmüddətli müqavilə imzalayıb. 2024-cü ildə isə Azərbaycan Avropaya ümumilikdə 12,9 milyard kubmetr qaz ixrac edib.

Ulusum.az