Polad və Alüminiuma 50% Tarif! Trampdan Yeni İqtisadi Hücum

ABŞ Prezidenti Donald Tramp Pensilvaniya ştatının Uest-Miflin şəhərində yerləşən poladəritmə zavodunda çıxışı zamanı ABŞ-a idxal olunan polad üçün gömrük rüsumlarının 25%-dən 50%-ə qədər artırılacağını bəyan edib.

“Biz polad üzrə tarifləri 25%-dən 50%-ə qaldıracağıq”, – deyə Tramp vurğulayıb.

Onun sözlərinə görə, bu addım ABŞ-ın polad sənayesini daha da gücləndirəcək və təhlükəsizliyini artıracaq.

Daha sonra Tramp Truth Social sosial şəbəkəsində yazaraq bildirib:

“Çərşənbə günü, 4 iyun tarixindən etibarən polad və alüminiuma tətbiq olunan tarifləri 25%-dən 50%-ə qədər artırmaq mənim üçün böyük şərəfdir. Bizim polad və alüminium sənayemiz heç vaxt olmadığı qədər dirçəlir.”

Ulusum.az