DSMF dünya miqyasında “Ən Yaxşı Pensiya Fondu” elan olundu!

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu (DSMF) ABŞ-də yerləşən “World Economic Magazine” beynəlxalq maliyyə təhlili platformasının “World Economic Magazine Awards 2025” müsabiqəsində uğur qazanıb.

Fond müsabiqədə “Ən Yaxşı Pensiya Fondu” mükafatına və sosial təminat sahəsində Mükəmməllik Mükafatına layiq görülüb.

Üç mərhələdən ibarət olan müsabiqədə DSMF Azərbaycanda əlilliyi olan şəxslər üçün inklüziv xidmətlərə rəqəmsal çıxış imkanlarının yaradılması və ünvanlı sosial yardım təyinatı üçün vahid reyestrə aid müsabiqə işləri ilə iştirak edib.

Hər mərhələdə müsabiqə işi münsiflər tərəfindən yüksək balla qiymətləndirilib və DSMF-nin adı müsabiqənin qaliblərinin siyahısına daxil edilib.

( https://awards.worldecomag.com/world-economic-magazine-2025-award-winners/ )

Builki müsabiqədə DSMF ilə yanaşı, Argentina, Avstraliya, Belçika, Braziliya, Misir, Qətər, BƏƏ, Qırğızıstan, Monako, İtaliya, Malayziya, Səudiyyə Ərəbistanı, Sinqapur və digər ölkələrdən dövlət və özəl qurumları innovativ yanaşma və nailiyyətlərini beynəlxalq miqyasda tanıtmaq imkanı əldə ediblər.

✍️"Ulusum".az