Apteklərdə Monitorinqlər Gücləndirilib: Nöqsanlar Aşkarlanıb

Səhiyyə Nazirliyinin Analitik Ekspertiza Mərkəzi (AEM) aprel ayında ölkə üzrə apteklərdə genişmiqyaslı monitorinqlər aparıb.

Bakı şəhərində 13, digər şəhər və rayonlarda isə 45 olmaqla ümumilikdə 58 aptekdə yoxlama həyata keçirilib. Bu yoxlamalardan 56-sı planlı, biri plandankənar, digəri isə nəzarətdən kənar şəkildə aparılıb.

Nəticədə, 20 aptekdə müxtəlif nöqsanlar aşkarlanıb və bu pozuntularla bağlı İnzibati Xətalar Məcəlləsinin müvafiq maddələri üzrə protokollar tərtib olunub.

AEM-in məlumatına görə, monitorinqlərin məqsədi əczaçılıq fəaliyyətində şəffaflığın və qanunvericiliyin tələblərinə əməl olunmasının təmin edilməsidir. Təftişlərin mütəmadi şəkildə davam etdirilməsi planlaşdırılır.

✍️"Ulusum".az