Ər-Riyadda Azərbaycan və Səudiyyə Ərəbistanı arasında yeni əməkdaşlıq sənədi imzalanıb

Ər-Riyad şəhərində keçirilən Azərbaycan–Səudiyyə Ərəbistanı Hökumətlərarası Müştərək Komissiyasının 8-ci iclasında iki ölkə arasında iqtisadiyyat, ticarət, investisiya, texnologiya, mədəniyyət, idman və gənclər sahələrində əməkdaşlıq məsələləri müzakirə olunub.



İclasın sonunda Azərbaycanın Qida Təhlükəsizliyi Agentliyi ilə Səudiyyə Ərəbistanının Ətraf Mühit, Su və Kənd Təsərrüfatı Nazirliyi arasında “Bitki mühafizəsi və karantin sahəsində əməkdaşlıq haqqında” Anlaşma Memorandumu imzalanıb.



Bu memorandum, BMT-nin Ərzaq və Kənd Təsərrüfatı Təşkilatının (FAO) “Bitki Mühafizəsi haqqında” Beynəlxalq Konvensiyasının (IPPC) fitosanitar qaydalarına uyğun olaraq, ticarət zamanı karantin tətbiq olunan zərərli orqanizmlərin yayılmasının qarşısının alınması, qida təhlükəsizliyinin təmin edilməsi və bu sahədə birgə tədbirlərin həyata keçirilməsini nəzərdə tutur.



✍️"Ulusum".az