Ticarət müharibəsi Tesla-nın robot layihəsini dayandıra bilər 🤖💥

ABŞ və Çin arasında davam edən ticarət müharibəsi nəticəsində, Tesla şirkəti Optimus adlı insanabənzər robotların istehsalında istifadə edilən Çin detallarından məhrum qala bilər.

Bu barədə məlumatı şirkətin qurucusu İlon Mask, maliyyə nəticələri ilə bağlı hesabat zamanı CNBC kanalına bildirib.

Maskın fikrincə, vəziyyəti Tesla-nın xeyrinə dəyişmək mümkündür. Lakin Çin tərəfi, nadir torpaq elementlərinin hərbi məqsədlərlə istifadə olunmayacağına dair zəmanət tələb edir.

Eyni zamanda, Tesla insanabənzər robotların yaradılması üzərində çalışır. Əgər Pekinlə aparılan danışıqlar müsbət nəticələnsə, Çin Ticarət Nazirliyi Mask-a bu materialların ixracına icazə verə bilər.

“Şirkətimizin gələcəyi ilk növbədə avtonom avtomobillər və çoxsaylı insanabənzər robotların istehsalı üzərində qurulub,” – deyə Mask bildirib.

✍️"Ulusum".az