Dövlət İnvestisiya Proqramı Yeni Qaydalarla Tənzimlənəcək

Azərbaycan Respublikasının Prezidenti İlham Əliyevin imzaladığı Fərmanla “Dövlət İnvestisiya Proqramının tərtibi, icrası, monitorinqi və qiymətləndirilməsi Qaydaları” yeni redaksiyada təsdiq edilib.

Yeni qaydalar dövlət investisiya layihələrinin planlaşdırılması, maliyyələşdirilməsi və icrasının daha səmərəli həyata keçirilməsini təmin etmək məqsədi daşıyır. Bu çərçivədə layihələrin iqtisadi səmərəliliyi və sosial təsirləri kimi meyarlar əsas götürüləcək.

"Ulusum". az xəbər verir ki, İqtisadiyyat Nazirliyinin təşkilatçılığı və Dünya Bankının dəstəyi ilə dövlət orqanlarının əməkdaşları üçün təlimlər keçirilib. Bu təlimlərdə investisiya layihələrinin idarə olunması sahəsində yeni tələblər və yanaşmalar barədə ətraflı məlumat verilib.

Qaydalara əsasən, investisiya layihələri kiçik, orta və iri olmaqla təsnifləşdirilir və onların qiymətləndirilməsi İqtisadiyyat Nazirliyi tərəfindən aparılır .

Bu yeniliklər dövlət investisiya layihələrinin daha effektiv və şəffaf şəkildə həyata keçirilməsinə xidmət edir.