“Neftçi” PFK-nın Ukraynadakı fun klubu nə iş görür? EKSKLÜZİV

Ulusum.az xəbər verir ki, idman sahəsində fan klubların fəaliyyəti PR effekti üçün vacib detallardan biridir. Bu mənada bir sual diqqətimizi çəkdi. Hazırda Rusiya-Ukrayna savaşı periodunda görəsən “Neftçi” PFK-nın Ukraynadakı fun klubu nə işlər görür?

Məsələyə ən başdan aydınlıq gətirək: Deməli, 2016-cı ildə Neftçi” PFK müşahidə Şurasının sədri Çingiz Abdullayev“Neftçi” PFK-nin adının Ukrayna ərazisində istifadəsinə icazə verilməsinə dair məktub göndərib. Bundan sonra Elmar Məmmədov (“Azərbaycan-Ukrayna” beynəlxalq alyansının sədri) elə həmin il “Neftçi”nin azarkeşlərinin fan-klubunun prezidenti seçilib.

Məqsəd– Ukraynada azərbaycanlıların birləşməsini gücləndirmək idi. E.Məmmədov fan klubun prezidenti seçildikdən sonra Kiyev şəhərində klubun baş ofisi qurulub. Daha sonra Truskavetsdə, Lutsk və Kropivnitski şəhərlərində fan klubun regional şöbəsi yaradılıb. Bütün şöbələrdə azarkeşlərin biryerə yığılması, Azərbaycan futbolunun təbliği, “Neftçi” komandasının azarkeşləri ilə birgə idman forumlarının təşkili və s işlər görüldü. Önəmli məqam odur ki, uzunmüddətli pandemiya, ardınca Rusiya-Ukrayna müharibəsi fan klubun fəaliyyətinə mənfi təsir göstərə bilmədi. Bunu “ulusum.az” -a açıqlamasında fan klubun prezidenti dedi. Elmar müəllim “Bu gün də klub çətinliklə olsa da, Ukraynada Azərbaycan fulbol ənənəsinin təbliği istiqamətində fəaliyyətini davam etdirir”- deyə vurğuladı.

Xatırladaq ki, Elmar Məmmədov hazırda həm də “Azərbaycan-Ukrayna” beynəlxalq alyansının sədri olaraq fəaliyyətini davam etdirir.

Rübabə SAHİB