Azərbaycan güləşçiləri Bolqarıstanda dünya çempionatında medal qazandı

Bolqarıstanın Samokov şəhərində keçirilən U-20 güləş üzrə dünya çempionatında Azərbaycan idmançıları uğurlarını davam etdirirlər. Yarışın yeddinci günündə daha iki güləşçimiz fəxri kürsüyə qalxıb.

Turan Daşdəmirov (55 kq) gərgin final görüşündə iranlı Payaм Balutakiyə 3:5 hesabı ilə məğlub olub və gümüş medal qazanıb.
Ferayim Mustafayev (67 kq) isə yaponiyalı Takaku Sudzukini 5:4 hesabı ilə üstələyərək bürünc medala sahib çıxıb.

Bununla yanaşı, Seymur Qasımov (72 kq) təsəlliverici görüşdə qazaxıstanlı Yusuf Aşrapova “tüş” ilə məğlub olub.

Ümumilikdə Azərbaycan millisinin bu dünya çempionatındakı medal sayı 8-ə çatıb:

Qızıl: Ayxan Cavadov (60 kq)

Gümüş: Turan Daşdəmirov (55 kq), Ruzanna Məmmədova (62 kq)

Bürünc: Günay Qurbanova (59 kq), Vasif Bağırov (57 kq), Nurlan Ağazadə (70 kq), Yusif Dursunov (125 kq), Ferayim Mustafayev (67 kq)

Ulusum.az