“Real” 50 milyon avroya keçmiş yetirməsini GERİ ALDI

Madrid "Real"ı növbəti səs-küylü transferini rəsmiləşdirdi! Klubun rəsmi açıqlamasına görə, 22 yaşlı sol cinah müdafiəçisi Alvaro Karreras komandaya “Benfika”dan transfer olunub və onunla 2031-ci ilin yayına qədər müqavilə imzalanıb.

Maraqlıdır ki, Karreras "Real"ın akademiyasının yetirməsidir. O, ötən il "Mançester Yunayted"dən 6 milyon avroya "Benfika"ya transfer olunmuşdu. Ancaq indi Madrid nəhəngi onun üçün tam 50 milyon avro ödəyərək futbolçunu geri qaytarıb.

İspaniyada deyirlər: “Əgər kimsə öz evini sevirsə, gec-tez geri qayıdar!” Karreras üçün də elə oldu...

Ulusum.az