Portuqaliya finalda, Ronaldo zirvədə – tarix bu gecə dəyişdi

Futbol tarixinin əfsanəsi Kriştiano Ronaldo millidə vurduğu qolların sayını 137-yə çatdıraraq Lionel Messini geridə qoydu. 40 yaşlı ulduz, ötən gecə keçirilən Millətlər Liqasının yarımfinalında Almaniyanın qapısına yol taparaq Portuqaliyanı qələbəyə daşıdı.

"Allianz Arena"da baş tutan gərgin qarşılaşmada ilk qolu almaniyalı Florian Virtz vurdu. Lakin Portuqaliya ruhdan düşmədi – öncə Çiko Konseysao hesabı bərabərləşdirdi, ardınca isə Ronaldo möhtəşəm zərbə ilə komandasını önə keçirdi. Nəticə: 2:1 və final bileti Portuqaliyanın!

Ronaldo – 137, Messi – 112. Bombardir yarışında artıq fərq aydın görünür.

İndi Portuqaliya iyunun 8-də Millətlər Liqasının finalında İspaniya – Fransa duelinin qalibi ilə qarşılaşacaq. Almaniya isə həmin gün bürünc medal uğrunda oynayacaq.

Ulusum.az