“Pakyao döyüşməməlidir” – Avropalı funksionerdən qalmaqallı açıqlama

Avropa Boks Konfederasiyasının (EUBC) baş katibi və Iron&Gloves Promotions şirkətinin rəhbəri Kirill Şekutyev filippinli əfsanə boksçu Menni Pakyaonun amerikalı Mario Barriosla döyüş keçirməsini istəmədiyini bildirib.

"Pakyao – əfsanədir. Karyerasını zirvədə bitirdi, bu doğrudur. Siyasətdə də oldu. Bəs indi niyə geri qayıdır? Bu mənim başıma batmır. Pakyaoya bu niyə lazımdır? Ümid edirəm ki, bu döyüş baş tutmayacaq. Açığı, mən bu qarşılaşmanın keçirilməsini istəmirəm", – deyə Şekutyev "İnterfaks"a bildirib.

Qeyd edək ki, səkkiz çəki dərəcəsində keçmiş dünya çempionu olan 46 yaşlı Pakyao, 19 iyulda Los-Ancelesdə, hazırkı WBC versiyası üzrə yarımorta çəki çempionu 30 yaşlı Mario Barriosla döyüşməyə hazırlaşır.

Ulusum.az