Ançelotti “Real”la vidalaşdı

Madridin qüruru “Real”da böyük bir dövr başa çatdı. Klubun baş məşqçisi Karlo Ançelotti La Liqanın 38-ci turunda “Real Sosyedad”a qarşı keçirilən son oyunu (2:0) ilə komandaya vida etdi.

İtaliyalı mütəxəssis üçün bu oyun sadəcə üç xal deyil, həm də duyğusal ayrılıq idi. O, vida anlarında göz yaşlarına hakim ola bilmədi. İki dövrdə “Real Madrid”i çalışdıran Ançelotti (2013–2015 və 2021–2024) ümumilikdə 15 titul qazanaraq klub tarixində ən uğurlu baş məşqçi adına layiq görülüb.

Kral klubundakı bu əfsanəvi yolculuqdan sonra 64 yaşlı Ançelottini növbəti böyük sınaq gözləyir – o, Braziliya millisinin baş məşqçisi olacaq.

Braziliya üçün yeni dövr, “Real” üçün isə böyük bir itki başladı.