Dzyuba Kerjakovu geridə qoydu – Rusiya çempionatında tarixi qol rekordu

Tolyatti "Akron" klubunun hücumçusu Artyom Dzyuba Rusiya çempionatlarında qalibiyyət qolları üzrə yeni rekord müəyyən edib. Bu barədə Transfermarkt məlumat yayıb.

Dzyuba, Mahaçqala "Dinamo"su ilə oyunda Rusiya Premyer Liqasında (RPL) 47-ci qalibiyyət qolunu vuraraq, bu göstəricidə Aleksandr Kerjakovun (46 qol) rekordunu geridə qoyub.

Hazırda Rusiya çempionatının turnir cədvəlində "Akron" 32 xalla 9-cu yerdə qərarlaşıb. "Dinamo" isə 27 xalla 11-ci pillədədir.

Çempionata 58 xalla "Krasnodar" liderlik edir. İkinci yerdə 54 xalla Sankt-Peterburq "Zenit"i, üçüncü pillədə isə 51 xalla Moskva "CSKA" yer alır. İlk dördlüyü 50 xalla Moskva "Spartak"ı tamamlayır.

Növbəti turda "Akron" 11 may tarixində saat 14:00-da Qroznı "Axmat"ını öz meydanında qəbul edəcək.

✍️"Ulusum".az