Messi tarixin ən çox qazanan 50 idmançısı arasında beşinci oldu

Amerikalı «İnter Mayami» klubunun argentinalı hücumçusu Lionel Messi, «Sportico» jurnalının hazırladığı ən yüksək maaşlı idmançılar siyahısında altıncı yerdən beşinci yerə yüksəlib.

“Ulusum”.az-ın məlumatina görə, gazanc, onların oyun karyerası dövründə və sonrasında inflyasiya nəzərə alınaraq hesablanıb. Bu rəqəmə maaş, bonuslar, mükafatlar, çıxışlar, honorar və reklam müqavilələri daxildir. Siyahıya görə, Messi ümumilikdə 1,85 milyard dollar qazanıb.

Siyahının lideri altıqat NBA çempionu Maykl Cordan qalmaqdadır və o, 4,15 milyard dollar (inflyasiya nəzərə alınaraq) qazanıb. İkinci sırada golfçu Tayer Vuds (2,79 milyard dollar), üçüncü yerdə isə futbolçu Kriştianu Ronaldo (2,23 milyard dollar) qərarlaşıb. Dördüncü sırada isə dördqat NBA çempionu LeBron Ceyms (1,88 milyard dollar) yer alır.

Messi «Barselona»nın yetirməsidir və 2003-2021-ci illər arasında əsas komandada oynayıb. Bu müddətdə 835 oyunda 709 qol vurub. Messi «Barselona» ilə dörd dəfə Çempionlar Liqasını, 2022-ci ildə Argentina yığması ilə Dünya Çempionatını qazanıb, iki dəfə Amerika Kubokunu, səkkiz dəfə isə «Qızıl top»u qazanıb.

2021-ci ildə Messi Fransanın «PSJ» klubuna keçib və 2023-cü ilin yayında isə ABŞ-ın «İnter Mayami» klubuna qoşulub.