”ARAF” kuboku uğrunda konkur yarışları keçirilib - FOTO-VİDEO

“Sərhədçi” atçılıq klubunda “ARAF” kuboku uğrunda konkur yarışları keçirilib. "Ulusum". az xəbər verir ki, yarışlar “A”, “L*” və “M*” kateqoriyaları üzrə müxtəlif yaş qruplarında təşkil olunub.



“A” kateqoriyasında Qəzənfər Fərzəliyev birinci, Ayan Fərəcova ikinci, Valeriya Roşenko üçüncü yerə çıxıb. “L*” kateqoriyasında Rahib İsmayılov birinci, Aydan Ağayeva isə ikinci və üçüncü yerlərə layiq görülüb. “M*” kateqoriyasında Eqor Morotski birinci, Elmar Abdullayev ikinci, Aydan Ağayeva isə üçüncü yeri tutub. Sonda qaliblərə “ARAF” kuboku, medal və diplomlar təqdim olunub.



“M**” kateqoriyası üzrə 125 sm hündürlükdə qurulan maneələrdən ibarət yarışda yaş məhdudiyyəti qoyulmayan atlarla 11 idmançı iştirak etmişdir. Mübarizənin yekununda “Buta Golden” atçılıq klubunun təmsilçisi Eqor Morotski “Astrello” ləqəbli atla birinci, “Gilan” atçılıq klubunun təmsilçisi Elmar Abdullayev “Xəzər” ləqəbli atla ikinci, “Elite” atçılıq klubunun təmsilçisi Aydan Ağayeva “Zidan D” ləqəbli atla üçüncü, “Buta Golden” atçılıq klubunun təmsilçisi Eqor Morotski “Guadella” ləqəbli atla dördüncü, “Elite” atçılıq klubunun təmsilçisi Anar Hümbətov “Damla” ləqəbli atla beşinci yerin sahibi olmuşdur.



Sonda hər üç kateqoriya üzrə birinci yerin sahiblərinə “ARAF “ kuboku, ikinci və üçüncü yerlərin sahiblərinə medal, dördüncü və beşinci yerlərin sahiblərinə isə Azərbaycan Respublikası Atçılıq Federasiyasının diplomu təqdim edilmişdir.