Usyk Londonda rinqə çıxır: Rəqib – britaniyalı Daniel Dyubua

Ukraynalı boks əfsanəsi Oleksandr Usyk bu yay Londonda, Uembli stadionunda növbəti dəfə əlcək taxacaq. İyulun 12-də baş tutacaq döyüşdə onun rəqibi britaniyalı boksçu Daniel Dyubua olacaq

“Ulusum”.az-ın məlumatina görə, bu barədə The Ring nəşri məlumat yayıb.

Məlumata görə, döyüş üçün müqavilə artıq yekun mərhələsindədir və tərəflər razılığa çox yaxınlaşıblar. Bu qarşılaşma Usık üçün 2024-cü ildə üçüncü böyük döyüş olacaq.

Xatırladaq ki, Usyk bu il artıq iki dəfə rinqə çıxıb və hər iki döyüşdə Britaniya nəhəngi Tayson Fyuriyə qarşı qüvvəsini sınayıb. May ayında keçirilən ilk qarşılaşmada Usyk, Fyuriyə karyerasında ilk məğlubiyyət yaşatdı və mübahisəsiz dünya çempionu adına sahib oldu. Qələbə parçalanmış qərarla elan olunsa da, nəticə aydın idi: Usyk dünya boks tarixində iz qoydu.

Daha sonra, dekabrın 21-də keçirilən revanş döyüşündə də Usyk eyni qətiyyətlə qalib gəldi – bu dəfə hakimlərin yekdil qərarı ilə: 116-112. Maraqlısı isə o idi ki, bu döyüş tarixdə ilk dəfə süni intellekt tərəfindən idarə olunmuşdu və o da Usyk qələbəsini 118-112 hesabı ilə qeydə almışdı.

İndi isə qarşıda yeni bir sınaq var: güclü, iddialı Dyubua. Uembli stadionu bu dəfə də böyük mübarizəyə şahidlik edəcək. Gözlər iyulun 12-də olacaq!