Hindistanda qadın ərilə mübahisədən sonra iki azyaşlı oğlunu eyvandan atıb

Hindistanın Daman şəhərində dəhşətli ailə faciəsi baş verib.

“Ulusum”.az-ın məlumatina görə, "Times of India" xəbər verir ki, 21 yanvarda bir qadın ərilə mübahisədən sonra iki azyaşlı oğlunu - bir yaşlı və üç yaşlı uşaqları dördüncü mərtəbənin eyvanından atıb.

Polisin verdiyi açıqlamaya görə, qadın bu addımı münaqişə zamanı atmağa qərar verib. Hadisə anında orada olan ata uşaqların anasının özünü də eyvandan atmasına mane olub.

Uşaqlar dərhal xəstəxanaya çatdırılsa da, onların həyatını xilas etmək mümkün olmayıb. Hadisədən sonra qadına qarşı cinayət işi açılıb. Hazırda münaqişənin səbəbi araşdırılır və hadisənin bütün detallarını müəyyənləşdirmək üçün polis istintaq aparır.

Səidə