Hindistanda pələng balıqçılara hücum edib və onlardan birini parçalayaraq öldürüb

Üç nəfərdən ibarət qrup, Hindistanin Sundarban Milli Parkında yerləşən Gazikhali çayına gediblər. Kişilər — Basudeb Halder, Gopal Baidi və Ganesh Kahar balıq tutduqları zaman, qəflətən meşəlikdən pələng çixaraq onlara hücum edib.

Məlumatı Millennium Post verir.

Pələng 47 yaşlı Kaharın üstünə tullanıb onu dişləyərək öldürüb. Dostları Kahara kömək etməyə çalışsalarda, onu xilas edə bilməyiblər— o, dərhal hadisə yerində dünyasını dəyişib. Ardınca pələng cəsədi yeyə bilməsi üçün meşəyə aparib, lakin balıqçılar cəsədi ondan alıb geri götürə biliblər.

Sundarban ərazisində böyük pələng təbiət qoruğu yerləşdiyi üçün pələngin burada görünməsi adi haldir. Hazırda meşə departamentinin mütəxəssisləri, kişilərin balıq tutmaq üçün icazəsi olub-olmadığını araşdırırlar.

Səidə Mustafa