Yerüstü piyada keçidi dağıdılıb

Cəlilabad şəhərinin Heydər Əliyev prospektində inşa olunmuş yerüstü piyada keçidi iritonnajlı kənd təsərrüfatı nəqliyyat vasitəsi tərəfindən dağıdılıb. Piyada keçidinin altından sürətli keçmək istəyən nəqliyyat vasitəsi keçidin hündürlüyünə toxunub və keçid aşaraq hissələrə bölünüb. Yolda nəqliyyatın hərəkəti dayanıb. Qeyd edək ki, yerüstü keçid yaxınlıqda yerləşən 3 nömrəli məktəbin heyətinin, həmçinin rayon sakinlərinin yolun qarşı və əks tərəfinə rahat keçməsi məqsədilə tikilib. Hadisə nəticəsində keçid yaxınlığında olan elektrik dirəkləri də zədələnib. Baş vermiş hadisə ilə bağlı araşdırmalara başlanılıb.



Eltun Məmmədov