Abxaziyada etirazçılar “parlament”in ərazisinə hücum ediblər

Abxaziyada (Gürcüstandan qopmuş region) Rusiya hüquqi şəxsləri tərəfindən regionda investisiya layihələrinin həyata keçirilməsinə dair hökumətlərarası Abxaziya-Rusiya sazişinin ratifikasiyasına etiraz edən “müxalifət”in nümayəndələri avtomobili metal maneələrə çırparaq parlament binasının ərazisinə daxil olublar.

Etirazçılar “hüquq-mühafizə orqanlarının əməkdaşlarına” daş və çubuqlar atmağa başlayıblar. Yerli ictimai hesablar etirazçılarla təhlükəsizlik qüvvələri arasında toqquşmaların olduğunu bildirir.

“Abxaz hakimiyyəti” noyabrın 15-də Suxumi ilə Moskva arasında investisiya sazişi layihəsinə baxmaq niyyətində idi.

Eltun Məmmədov