Saatlıda yük maşını və minik avtomobili toqquşub, xəsarət alanlar var

Saatlı rayonu ərazisində yük maşını və minik avtomobilinin toqquşması ilə nəticələnən yol qəzası baş verib. yol nəqliyyat hadisəsi oktyabrın 10-da saat 23 radələrində Hacıqabul-Bəhrəmtəpə-Mincivan avtomobil yolunun Saatlı rayonu Əlisoltanlı kəndi ərazisindən keçən hissəsində qeydə alınıb. Hadisə zamanı "Mercedes" markalı qoşqulu yük maşını ilə "Vaz-2109" markalı minik avtomobili toqquşub, hər iki nəqliyyat vasitəsi yoldan kənara çıxıb və yük maşını aşıb. Qəza nəticəsində xəsarət alan iki nəfər Saatlı rayon Mərkəzi Xəstəxanasına yerləşdirilib. Faktla bağlı araşdırma aparılır.

Eltun Məmmədov