Milton qasırğasının ilk qurbanları Floridada qeydə alınıb

Milton qasırğasının ilk qurbanları Floridada qeydə alınıb.

Ən azı iki nəfər ölüb, beş nəfər yaralanıb. Onlar tornado tərəfindən dağılmış evlərdən və avtomobillərdən çıxarılıblar.

Amma daha çox itki ola bilər: yüzlərlə bina və avtomobil zədələnib. Bundan əlavə, 2 milyondan çox insan işıqsız qalıb.

İnsanlar ştatı tərk etməyə çağırılıb, qurbanlar məktəblərdə və stadionlarda müvəqqəti sığınacaqlarda yerləşdirilib, mağaza rəfləri boşdur.

Küləyin sürəti 200 km/saatı keçdi, qasırğa artıq zəifləmiş quruya çatdı. Əvvəlcə ona ən təhlükəli beşinci kateqoriya təyin edilmişdi, lakin sonradan üçüncü kateqoriyaya endirildi.

Eltun Məmmədov