Netanyahu İranın sui-qəsd cəhdindən narahatdır: Oğlunun təhlükəsizliyinin artırılmasını istədi

İsrailin baş naziri Benyamin Netanyahu son günlər oğlunun İranın hədəfinə çevrilə biləcəyindən ehtiyat edərək ölkənin Baş Təhlükəsizlik Xidmətindən (ŞABAK) onun təhlükəsizliyinin artırılmasını istəyib.

“The Times of İsrael” qəzetinin məlumata görə, İsrailin baş nazirinin oğlu Yair Netanyahu hazırda Mayamidə yaşayır və onun təhlükəsizliyi üçün xərclər ildə 680 min dollar qiymətləndirilir.

Qəzet bildirib ki, HƏMAS lideri İsmayıl Həniyənin öldürülməsindən sonra İsrail cavab əməliyyatları gözləyir və hücumun vaxtını təyin etməyə çalışır.

Qeyd olunub ki, hələlik ŞABAK əldə edilən məlumat və sübutlara əsasən təhlükəsizlik tədbirlərinin artırılması ilə bağlı qərar verəcək.

Eltun Məmmədov